Polietilen

Mahsulot haqida

Asosiy mahsulot — polietilenni ishlab chiqarish jarayoni — SCLAIRTECH polimerizasiyaning suyuq faza texnologiyasi yordamida, NOVA Chemicals Shimoliy Amerika kompaniyasi litsenziyasi bo‘yicha amalga oshiriladi. Ushbu texnologiyaning asosiy afzalligi bu — quvurli va avtoklav turdagi reaktorlarning ketma-ket rejimidan foydalangan holda polietilenning fizik-kimyoviy va reologik ko‘rsatkichlarni o‘zgartirish imkoniyati hisoblanadi. Bu esa bir ishlab chiqarish liniyasida turli turdagi liniyali polietilen ishlab chiqarish imkoniyatini beradi. Olingan polimer erituvchilardan, katalizatorlar qoldiqlaridan butunlay ajratiladi, mavjud bo‘lgan zararli moddalardan tozalanadi va erigan holda, tarkibida uchuvchi birikmalarning eng kam miqdori bilan asosiy ekstruderga tushadi. Barcha zarur bo‘lgan qo‘shimchalar, ularning yaxshi aralashishi va to‘liq bir turdagi bo‘lishini ta’minlash maqsadida suyuq yoki erigan holda qo‘shiladi. Ushbu texnologiya asosida ishlab chiqarilgan polietilen, oziq-ovqatlar va inson tanasi bilan aloqada bo‘ladigan har qanday salomatlik uchun zararsiz mahsulotlarni ishlab chiqarish maqsadida foydalanish mumkin.

Sotib olish tartibi

Oʼzbekiston Respublikasi Prezidentining 2017 yil 14 noyabrdagi «Yoqilgʼi-energetika resurslari hamda boshqa yuqori likvidli mahsulotlar bilan taʼminlash borasida raqobat muhitini takomillashtirish, suiisteʼmolchiliklar va talon–tarojliklar sharoitini tugatish, toʼlov intizomini mustahkamlash, debitorlik va kreditorlik qarzlarini kamaytirish chora-tadbirlari toʼgʼrisida»gi PQ-3386 sonli Qaroriga, hamda Oʼzbekiston Respublikasi Vazirlar Maxkamasining 2004 yil 05 fevraldagi 57-sonli «Maxsulotlar, xom ashyo va materiallarning yuqori likvidli turlarini sotishning bozor mexanizmlarini joriy etishni davom ettirish toʼgʼrisida»gi Qaroriga muvofiq, «Shoʼrtan gaz kimyo majmuasi» MChJda ishlab chiqarilayotgan xom-ashyo mahsulotlari (polietilen granulasi, suyultirilgan gaz, oltingugurt) Oʼzbekiston Respublikasi Tovar xom-ashyo birjasi orqali sotiladi.

 

Hozirgi vaqtda Shoʼrtan GKM da ishlab chiqarilayotgan asosiy tovar-xom ashyolar Tovar xom ashyo birjasining yuqori likvidli mahsulotlar platformasida sotiladi. Birinchi bor birja orqali majmuaning mahsulotini xarid qilmoqchi boʼlgan mijoz nima harakatlarni amalga oshirishi kerak?

 

  1. “OʼzRTXB” АJ ning rasmiy sayti http://www.uzex.uz ga kirib, interaktiv xizmatlar boʼlimidan brokerlar roʼyxatini tanlab, hozirgi vaqtda Tovar xom ashyo birjasida akkreditatsiyadan oʼtgan brokerlik idoralari hamda treyderlar roʼyxati bilan tanishadi. Xaridor joylashgan joyi yoki hohishiga qarab, oʼzi hohlagan brokerlik idorasi bilan xizmat koʼrsatish shartnomasini tuzishi mumkin. 
  2. Broker xaridor birja va birjaning Xisob-kliring palatasida ruyxatidan utkazishda kumaklashadi, xaridor buyurtmasiga kura uning nomidan va uning mablagi xisobiga birja savdolarida maxsulot oldi-sotdi shartnomalarini tuzish birja ruyxatidan utkazish ishlarini tulik amalga oshiradi. 
  3. Birjaning Xisob-kliring palatasida xaridor uchun foydalanuvchining shaxsiy raqami (FShR) ochilgandan soʼng, FShR va brokerlik idorasi raqami koʼrsatilgan holda zakalat (avans) summasi birjaning Xisob-kliring palatasi xisob rakamiga chiqariladi. (mahsulot turiga qarab, 2% dan 10% gacha, polietilen va suyultirilgan gaz uchun 10% mikdorida belgilangan)
  4. Brokerlik idorasi bilan tuzilgan shartnomaga muvofik xaridor tomonidan birja savdolariga taklif etilayotgan (kuyilayotgan) maxsulotlarni xarid kilish buyicha belgilangan shaklda buyurtma beriladi.
  5. Mahsulot birja savdolari natijasiga kura broker tomonidan xarid qilingandan soʼng, shartnoma broker tomonidan rasmiylashtirilib xaridorga ijro uchun topshiriladi. 
  6. Shartnoma shartlariga muvofik xaridor tomonidan 100% toʼlov 5 ish kuni ichida amalga oshirilgandan soʼng, oʼz ishonchli vakilini ishonchnoma asosida transport vositasi bilan majmuaga yuboradi. Mahsulotni olib chiqish yuzasidan majmuaning maxsulotlarni sotish va marketing bulimiga murojaat kilinadi. Maxsulotlarni olib chikish muddati polietilen va suyultirilgan gaz uchun 10 bank kuni texnik oltingugugrt uchun esa 7 bank kuni belgilangan.