Мажмуамиз тарихи ҳақида маълумотларни ўзига жамлаган Музейнинг очилганига ҳам ўн йилдан ошиқ вақт ўтди. Музейдаги экспозицияларда 400 квадрат метрга яқин асосий залдаги – Шуртан газ кимё мажмуасининг бунёд этилиши, қурилиши жойининг танланиши, юксалиши тарихи, фидокорона хизмат кўрсатган ва бугунги кунда ҳам фаолият кўрсатаётган ажойиб мутахассислар, шунингдек чет элдаги ривожланган мамлакатлар, Ўзбекистон, Қашқадарё ва Ғузор туманининг ўтмиши ҳамда келажагига оид мингдан ортиқ ҳужжатлар ва экспонатлар жамланган
Ушбу ғоя Мажмуада “Маънавият ва маърифат маркази – Музей” ни ташкил этиш – мажмуа ва касаба уюшма қўмитасининг 2005 йил 15 мартдаги 1/25-сонли қўшма қарорига мувофиқ мажмуа раҳбарияти томонидан таклиф этилган ва қимматли, ноёб фото суратлар, ҳужжатлар, экспонатлар манбаи кўрсатилиб, маслаҳатлар берилган.
Музейнинг Марказий, Вилоят, Мажмуа тарихи, ижтимоий, маданий, спорт бўлимлари ва макетларда ташкил топган экспонатлар экспозицияси нафақат мажмуамизнинг ноёблиги, балки истиқлолимиз қудрати ва халқимизнинг улуғвор бунёдкорлик ишларидан далолат беради.
Мажмуа ишчи-ходимларининг ишдан бўш вақтларида китоб ўқишга бўлган қизиқишларини инобатга олиб, 2015 йилнинг 09 июнда мажмуа ишчилар шаҳарчасидаги мактаб биносида кутубхона ташкил қилинди.
Ҳозирда кутубхонада 1500 дан ортиқ китоб бўлиб, шундан 250га яқин китоб ишчи ва хизматчилар тамонидан фойдалинишга олинган.
