Ayni paytda butun dunyoda bo‘lgani kabi yurtimizda ham kibersport turi ommalashib bormoqda.
Xususan, "Shurtan gaz kimyo majmuasi" MCHJ da ham ishchi-xodimlarning bo‘sh vaqtlarini mazmunli o‘tkazish, kibersportni xavfsiz rivojlantirish va ommalashtirish bo‘yicha ekotizim yaratish, musobaqalar va turnirlarni tizimli ravishda o‘tkazish orqali iqtidorli yoshlarni aniqlash, tanlash va saralash maqsadida yoshlar o‘rtasida "Counter-Strike 1.6" kibersport turi bo‘yicha musobaqa o‘tkazildi.
Musobaqa 2 bosqichda o‘tkazilib, unda har bir guruhda 5 nafardan ishtirokchisi bo‘lgan 11 ta jamoa g‘oliblik uchun uchun bellashishdi.
Qizg‘in va murosasiz kechgan musobaqaning yakuniy natijalariga ko‘ra 2-jamoa musobaqa chempioni bo‘ldi.
Ma’lumot uchun, mazkur musobaqa ishtirokchilari orasidan 5 kishilik terma jamoa tuzilib, 2024 yil 11-12 noyabr kunlari "O‘zbekneftgaz" AJda bo‘lib o‘tadigan Kibersport chempionati - "UNG SubegGames-2O24" musobaqasida ishtirok etadi.
«Shurtan gaz kimyo majmuasi» MCHJ Matbuot xizmati