Qadrli “Nasaf” PFK jamoasi va mutasaddilari!
Sizni va “Nasaf” PFKning sodiq muxlislarini bugungi Superliga g‘olibligi bilan chin dildan tabriklayman!
Bugun sizlar tarixda yangi bir sahifa ochdingiz! Bu g‘alaba nafaqat sizning mashaqqatli mehnatingiz va jasoratingiz mukofoti balki Qashqadaryo viloyatining 100 yillik bayramiga ajoyib bir sovg‘a bo‘ldi.
Siz o‘z ishtiyoqingiz, jamoaviy ahil o‘yiningiz va bir-birini takrorlamas g‘alabalaringiz bilan o‘xshashi yo‘q va sizga sodiq millionlab muxlislariga ega bo‘lgan jamoasiz!
Bugungi g‘alaba munosabati bilan o‘zim va “Shurtan GKM” MCHJning ko‘p ming sonli jamoasi nomidan minnatdorchilik bildiraman va tabriklayman!
Barchangiz uchun bu g‘alaba yangi marralar va yutuqlar sari yo‘l ochadi. Sizga kelgusidagi xalqaro maydonlardagi yurishlaringizda ham ishonchli va irodali zafarlar tilayman!
Va umid qilamanki siz ko‘p millionlik muxlislaringiz va klub rahbariyati ishonchini doim oqlaysiz va bardavom g‘alabalarga erishaverasiz!
Chempionlik muborak bo‘lsin “NASAF”!
Shuxrat Aslanov
"Shurtan GKM" MCHJ Bosh direktori,
"Nasaf" PFK prezidenti